Fotografoi fëmijët në plazh, arrestohet i moshuari britanik

23:22 | 19 Qershor 2022
Trina Galanxhi

Sipas mediave greke, një burrë i moshuar britanik u arrestua në ishullin grek Santorini, pasi kishte fotografuar disa fëmijë duke luajtur në plazh.

Prindërit e fëmijëve thuhet se panë burrin në plazhin e Kamarit duke fotografuar të rinjtë, të cilët kishin veshur rroba banje, transmeton portal arbresh.info

Të shqetësuar për sjelljen e burrit, prindërit njoftuan oficerët e policisë.

Policia kontrolloi zonën, gjeti burrin dhe e arrestoi për akuzat mbi fotografimin e fëmijëve.

“Ngjarja ka ndodhur pasditen e së martës dhe menjëherë banuesit kanë kërkuar policët që po patrullonin në plazhin e Kamarit, të cilëve u raportuan plakun britanik që po fotografonte fëmijët e mitur që po luanin të shkujdesur”, shkruan gazeta greke Protothema.

I moshuari është dërguar në stacionin e policisë dhe është identifikuar nga nënat e fëmijëve.

Në Greqi, është e paligjshme të fotografosh fëmijët pa pëlqimin e prindërve të tyre./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm